Турција за Флотилата на слободата: „Ги започнавме сите иницијативи за ослободување на нашите приведени граѓани“

АНКАРА (АА) - Директорот за комуникации на турското Претседателство, Бурханетин Дуран, издаде соопштение во врска со нападот на Израел врз Коалицијата „Флотила на слободата“ истакнувајќи дека Турција започнала иницијативи за ослободување на сите приведени турски граѓани, како и дека ја следи состојбата на активистите, пренесува Анадолу.

Дуран сподели објава на својот профил на платформата „NSosyal“ во врска со нападот на Израел врз Коалицијата „Флотила на слободата“.

Наведувајќи дека нападот е неприфатлив, Дуран во објавата наведе:

„Израелската интервенција против Флотилата на слободата во меѓународни води е нов пример за бандитизам и непочитување на законот. Неприфатлив е нападот врз Глобалната флотила 'Сумуд', против мирните цивилни активисти, вклучувајќи ги турските граѓани и членови на Парламентот.

Турција започна иницијативи за ослободување на сите наши приведени граѓани и ја следи состојбата на активистите. Под водство на нашиот претседател, почитуваниот Реџеп Таип Ердоган, ние ќе продолжиме да стоиме зад палестинската кауза и народот на Газа и ќе бидеме гласот на угнетените против геноцидот и овие незаконски и нехумани напади“.