Турско Министерство за одбрана: „Нема повлекување на трупите од Идлиб“
- Турското Министерство за одбрана денеска објави дека планираното распоредување и сместување на трупите во деескалациската зона во Идлиб во северозападна Сирија продолжува и дека трупите од регионот не се повлекуваат
АНКАРА
Турското Министерство за одбрана денеска објави дека планираното распоредување и сместување на трупите во деескалациската зона во Идлиб во северозападна Сирија продолжува и дека трупите од регионот не се повлекуваат, јавува Агенција Анадолија (АА).
„За да се запре крвопролевањето и хуманитарната криза и да се осигура безбедноста на трупите, како и безбедното враќање на цивилите во нивните домови, сите одлуки преземени во рамките на Договорот од Москва ќе бидат имплементирани внимателно“, се вели во соопштението на Министерството.
Во соопштението се додава: „Турските вооружени сили продолжуваат со планираното распоредување и сместување на трупите во деескалациската зона во Идлиб, во согласност со прекинот на огнот на 6 март. Некои медиумски организации соопштуваат податоци во врска со повлекувањето на нашите трупи од регионот кои не се совпаѓаат со вистината.“
Во септември 2018 година Турција и Русија се согласија да го претворат Идлиб во деескалациска зона во која актите на агресија се строго забранети.