Турските безбедносни сили неутрализираа 3 терористи на ПКК во југоисточна Турција

АНКАРА (АА) - Турските безбедносни сили неутрализираа тројца терористи на ПКК/КЏК за време на операциите во југоисточниот дел на земјата, соопшти денес турското Министерство за внатрешни работи, пренесува Агенција Анадолија (АА).

„Антитерористичките операции во турската област Ширнак беа поддржани од жандармериските сили на Ширнак, локалниот полициски оддел и Националната разузнавачка служба (МИТ)“, се додава во соопштението.

Двајца од неутрализираните терористи се идентификувани како Махмут Таш со кодно име Андок, задолжен за организацијата за подрачјето на планината Џуди, и Хусну Каплан, со кодно име Адил, задолжен за подрачјето на Силопи од огранокот на терористичката организација ПКК, ЈПС (Сирија од единиците на цивилна заштита).

Безбедносните операции во регионот сѐ уште траат.

Во својата над 30-годишна терористичка кампања против Турција, ПКК, која се наоѓа на листата терористички организации во Турција, Соединетите Американски Држави (САД) и Европската Унија (ЕУ), одговорна е за смртта на околу 40.000 луѓе, меѓу кои и деца и жени.