Турските безбедносни сили запленија над 1,5 милиони стебла канабис

ВАН (АА) - Турските безбедносни сили денес запленија над 1,5 милиони стебла канабис во источна Турција, пренесува Агенција Анадолија (АА).

Канабисот е запленет во рамките на операцијата против наркотици спроведена од тимови на жандармеријата во руралното подрачје на турската област Ван, со цел да се запре трговијата со дрога на терористичката организација ПКК и да се изведат сторителите пред лицето на правдата, се вели во соопштението на гувернерот на областа.

Во својата над 30-годишна терористичка кампања против Турција, ПКК, којашто се наоѓа на листата терористички организации на Турција, САД и ЕУ, е одговорна за смртта на речиси 40.000 луѓе, меѓу кои жени и деца.