Турскиот потпретседател и министерот за надворешни работи на погребот на активистката застрелана од израелската војска

АЈДИН (АА) - Турскиот потпретседател Џевдет Јилмаз и турскиот министер за надворешни работи, Хакан Фидан, денес присуствуваа на погребот на турско-американската активистка, Ајшенур Езги Ејги, која беше смртно застрелана од израелските војници на окупираниот Западен Брег на 6 септември, јавува Анадолу.

На комеморацијата во крајбрежниот град Дидим, во егејската област Ајдин, присуствуваа и неколку високи турски претставници, меѓу кои и претседателот на Парламентот, Нуман Куртулмуш, министерката за семејство и социјални услуги, Махинур Оздемир Ѓокташ, министерот за правда, Јилмаз Тунч, и министерот за внатрешни работи Али Јерликаја.

Озгур Озел, челникот на главната опозициска Републиканска народна партија (ЏХП) и лидерот на Партијата на иднината, Ахмет Давутоглу, исто така беа присутни на погребната церемонија.

Настанот собра претставници од различни политички партии и сектори, покажувајќи единство при трагедијата.

- Смртно застрелана за време на мирен протест -

Пред нејзината смрт, Ејги отпатувала на Западниот Брег за да го поддржи палестинскиот отпор против израелската окупација, според извештаите на Меѓународното движење за солидарност.

На 3 септември, Ејги отишла да набљудува протест во градот Бејта во Наблус, и да застане против илегалните еврејски населби таму.

Движењето објави дека на 6 септември Ејги била намерно земена за цел и убиена од израелски снајперист позициониран на блискиот покрив.

Очевидци изјавија дека кога била застрелана од снајперистот, Ејги била далеку од зоната на протестите. Таа беше пренесена во палестинска болница, но и покрај максималните напори на лекарите не можеше да се спаси.

Турските дипломатски мисии во Тел Авив и Ерусалим (КУДС) го координираа трансферот на нејзиното тело од Тел Авив во Баку, Азербејџан, а потоа и до Туркије.

Турските власти го примија телото на Ејги во петокот и го транспортираа до Судската медицина во Измир на обдукција.

Туркије во четвртокот започна истрага за убиството согласно домашното право.

Обдукцијата покажа дека куршумот влегол низ пределот на долниот дел на увото.

Ејги беше застрелана во главата за време на мирен протест, која потоа почина во болницата.

Обдукцијата на Судската медицина во Измир покажа дека причината за нејзината смрт е фрактура на черепот, крварење на мозокот и оштетување на мозочното ткиво. Имало влезна рана од куршум но нема излезна рана, се анализираат металните фрагменти од куршумот. Процедурата за тоа е во тек.