Турски спасувачки тимови го извлекоа екипажот од опожарен танкер во Црното Море
- Танкерот КАИРОС, на пат кон пристаништето Новороски, Русија, се запалил поради надворешен фактор на 45 километри од брегот на Турција
Makbule Beyza Günbey/AA
ИСТАНБУЛ (АА) – Турски спасувачки единици го спасија целиот персонал на танкерот КАИРОС, кој се запали денес, објави Генералната дирекција за поморски работи на американската платформа за социјални медиуми X, пренесува Анадолу.
Дирекцијата соопшти дека празниот танкер КАИРОС, на пат кон пристаништето Новороски, Русија, се запалил поради надворешен фактор на 45 километри од брегот на Турција.
Евакуацијата на персоналот од бродот КАИРОС е завршена од Генералната дирекција за крајбрежна безбедност.
Генералната дирекција за поморски работи претходно соопшти дека сите 25 членови на екипажот на бродот се во добра состојба.
Одделно, Дирекцијата соопшти дека е пријавено дека танкер, под називот ВИРАТ, бил погоден на приближно 35 наутички милји од брегот на Црното Море.
Спасувачките екипи и еден комерцијален брод се испратени до пловилото, соопштија оттаму, додавајќи дека сите 20 членови на екипажот на бродот се во добра состојба.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
