Турската крајбрежна стража спаси 23 нерегуларни мигранти во Егејското Море

ИЗМИР

Турската крајбрежна стража спаси 23 нерегуларни мигранти на гумен чамец со расипан мотор на западниот брег на земјата, јавува Агенција Анадолија (АА).

Според Командата на Крајбрежната стража, групата нерегуларни мигранти побарале помош кога нивниот брод се оддалечил поради тоа што моторот им се расипал крај брегот на подрачјето Чешме во областа Измир.

До групата бил испратен брод за спасување што ги спасил.

Нерегуларните мигранти потоа се упатени во обласниот центар за миграции.

Турција е клучна транзитна рута за мигрантите кои сакаат да стигнат во Европа за да започнат нов живот, особено оние што бегаат од војна и прогон.

Турција е дом на речиси четири милиони бегалци, вклучувајќи над 3,6 милиони Сиријци.