Туркије: Магла го отежнува сообраќајот и пловидбата во Истанбул и соседните градови

ИСТАНБУЛ/ЧАНАККАЛЕ (АА) – Густа магла се надви над Истанбул и соседните турски градови каде сообраќајот е отежнат, а пловидбата низ мореузите е речиси целосно прекината, јавува Агенција Анадолија (АА).

Маглата на автопатите во Истанбул го отежнува возењето, а надлежните власти ја затворија пловидбата низ Истанбулскиот Мореуз и низ Чанаккале.

Токму мореузот во Чанаккале го посетија репортерите на АА и со дрон од воздух го снимија импозантниот висечки мост „Чанаккале 1915“, кој со еден дел е скриен во магла.

Столбовите на мостот се издигнуваат над облаците од магла и на посебен начин сведочат за импозантноста на ова здание.

Метеоролозите најавуваат дека магливото време на западот на Туркије ќе се задржи се до крајот на наредниот викенд.