Туркије во текот на два дена неутрализира 22 терористи во операцијата во северен Ирак и Сирија

АНКАРА (АА) - Турските безбедносни сили неутрализираа 22 терористи на ПКК/ЈПГ во последните два дена како дел од прекуграничната операција во северен Ирак и Сирија, соопшти Министерството за национална одбрана на Туркије, пренесува Агенција Анадолија (АА).

Последните два дена неутрализирани се вкупно 22 терористи, од кои 10 во северен Ирак и 12 во северна Сирија, истакна Министерството преку Твитер, додавајќи дека операциите на Туркије против терористите на ПКК/ЈПГ непречено продолжуваат во северен Ирак и Сирија.

Неодамна, Туркије ја започна операцијата „Канџа-меч“ во северен Ирак и Сирија, прекугранична воздушна кампања против терористичката организација ПКК/ЈПГ, која има засолништа близу ирачката и сириската граница со Туркије, од каде што планираат и извршуваат напади на турска територија.

Во својата над 35-годишна терористичка кампања против Туркије, ПКК, која е на листата на терористички организации на Туркије, САД и ЕУ, е одговорна за смртта на над 40.000 луѓе, меѓу кои и жени и деца.