Рускиот амбасадор во Анкара ги пофали билатералните односи со Турција

ЕСКИШЕХИР (АА) - Рускиот амбасадор во Анкара денес истакна дека билатералните односи помеѓу Турција и Русија значително се подобрени во текот на изминатите години, јавува Anadolu Agency (AA).

„Билатералните односи на Турција и Русија ќе го достигнат својот врв, нашите односи се во подем“, изјави Алексеј Јерхов, по состанокот со гувернерот на централната област Ескишехир.

Нагласувајќи дека турскиот претседател, Реџеп Таип Ердоган, и неговиот руски колега, Владимир Путин, често се состануваат и одржуваат значајни состаноци, тој додаде дека двајцата претседатели претставуваат добар пример за подобрување на заедничката работа и соработката.

Гувернерот Оздемир Чакаџак изјави дека односите меѓу Турција и Русија датираат со векови и дека и двете земји имале длабока соработка на регионално и меѓународно ниво.

Тој нагласи дека ова било видливо во решавањето на сириската криза, за нуклеарната централна „Акују“ и гасоводот „Турски тек“ (TurkStream) во Турција, и при купувањето на ракетниот систем „С-400“.