Претседателот на турскиот Парламент, Шентоп, изрази жалење за пожарот во Ковид-центарот во Тетово

СКОПЈЕ (АА) - Претседателот на Големото народно собрание на Турција (ТБММ), Мустафа Шентоп, преку социјалните мрежи се огласи во врска со пожарот кој го зафати Ковид-центарот во Тетово, пренесува Агенција Анадолија (АА).

„Со длабока тага дознав дека загинале наши браќа во пожарот кој избувнал по експлозијата настаната во Ковид-центарот при Државната болница во Тетово, Северна Македонија“, напиша Шентоп на својот Твитер-профил.

„Посакувам милост за загинатите, додека на повредените им посакувам брзо закрепнување“, додаде тој.

Инаку, во пожарот загинаа најмалку 10 лица, а има и бројни повредени, потврди Министерството за здравство на Северна Македонија.

„До моментов се потврдени десет загинати во пожарот, но бројката може да порасне“, се наведува во соопштението на Министерството.