Калин: „Туркискиот свет отвора нови хоризонти“

АНКАРА (АА) - Туркискиот свет ќе продолжи да игра важна улога во светската политика бидејќи отвора нови хоризонти, изјави денеска портпаролот на турското Претседателство, Ибрахим Калин, јавува Агенција Анадолија (АА).

„Особено во последните денови минуваме низ многу стратешки, историски и клучен период во кој туркискиот свет почна да закрепнува. Туркискиот свет повторно се обединува, отворајќи се во нови хоризонти.“

„Политичката визија на нашата организација, која беше редефинирана како Организација на туркиски држави, е еден од најконкретните резултати од ова“, рече Калин на работилницата во главниот град Анкара.

Тој истакна дека во последните години, особено како резултат на случувањата во Туркије, како и во Казахстан, Азербејџан, Киргистан и другите туркиски републики, единството и солидарноста на туркискиот свет престанало да биде само можност и сега е стратешка неопходност.

„Особено неодамна, 44-дневната победа во Карабах [Азербејџан, есента 2020 година] беше многу важен извор на гордост и надеж за туркискиот свет, покажувајќи што можеме да постигнеме ако се здружиме, дејствуваме заедно и ги комбинираме нашите стратешки можности и способности“, додаде тој, мислејќи на победата на Азербејџан над ерменските сили во конфликтот за кавкаската територија Карабах.

„Неодамнешните случувања покажуваат дека туркискиот свет и Централна Азија ќе продолжат да играат значајна улога, особено во енергетската и прехранбената криза што се појави со војната во Украина“, рече Калин, објаснувајќи: „Многу важен дел од енергетските резерви во светот се наоѓаат во нашиот туркиски регион. Светот има две главни енергетски резерви, еден е Блискиот Исток, а вториот е туркискиот свет.“

Во врска со трилатералниот Самит меѓу Туркије, Туркменистан и Азербејџан што треба да се одржи во Туркменистан на 14 декември, Калин рече дека оваа средба претставува една од најклучните фази.

Калин, исто така, ја поздрави одлуката на Организацијата на туркиски држави да ѝ даде статус на набљудувач на Турската Република Северен Кипар (ТРСК) на Самитот што се одржа минатиот месец во Узбекистан.

„Исто така за нас е важно туркискиот свет да се грижи за кипарското прашање... Отсега, најважната мисија на туркискиот свет и туркиските држави е да ги заштитат не само кипарските Турци, туку и турските и сродните заедници каде и да се во светот и да покажат дека не се сами“, додаде тој.