Hikmet Faruk Başer
14 Јануари 2021•Ажурирај: 14 Јануари 2021
ИСТАНБУЛ (АА) - ХИКМЕТ ФАРУК БАСЕР -
Во тек се завршните работи на новоизградената џамија на истанбулскиот плоштад „Таксим“, која за молитва би требало да биде отворена веќе за Рамазан, односно во првата половина на април годинава, јавува Агенција Анадолија (AA).
Станува збор за џамија чиј камен-темелник беше поставен на 17 февруари 2017 година, а проектот за новата убавица на Босфорот го потпишаа архитектите Шефик Биркије и Селим Даламан.
Џамискиот комплекс се наоѓа до платото на „Таксим“, а работите не беа прекинати ниту за време на пандемијата, со почитување на епидемиолошките мерки и препораки.
Завршени се 95 проценти од градежните работи, а преостанатите работи на подните и ѕидните облоги на приземјето и на првиот кат на објектот се при крај.
Во тек се и завршните декоративни работи, а главната купола е завршена. Направена е и главната влезна врата изработена од челик.
