Gizem Nisa Çebi
13 Март 2024•Ажурирај: 14 Март 2024
ШИРНАК (АА) - Со поставувањето „безбедносен коридор“ по должината на своите јужни граници Туркије успешно се заградува од ширењето на тероризмот и насилството, изјави денес турскиот претседател Реџеп Таип Ердоган, јавува Анадолу.
„Целосно го спречуваме ширењето на огнот околу нас кон Туркије со воспоставување безбедносен коридор по должината на нашата јужна граница“, рече Ердоган на изборниот митинг во Ширнак, покрај јужната граница на Туркије со Ирак, пред локалните избори закажани на 31 март.
Тој, исто така, истакна дека Туркије поставува бариери меѓу неа и терористичките организации што сакаат да ја втурнат во конфликт и истовремено „се дистанцира и од империјалистите и од нивните марионети“, очигледно мислејќи на терористичките организации ПКК и ЈПГ/ПКК и земјите што Туркије ги обвинува за поддршка на овие терористички организации по должината на нејзините граници со Ирак и Сирија.
„Сепаратистичката терористичка организација е алатка што ѝ е наметната на нашата земја за продолжување на тиранијата насочена кон воспоставување еднопартиски фашизам на овие простори“, додаде турскиот претседател.
Во својата над 35-годишна терористичка кампања против Туркије, ПКК, која е ставена на листата на терористички организации од страна на Туркије, САД и Европската Унија, е одговорна за смртта на над 40.000 луѓе, меѓу кои и деца и жени. ЈПГ е нејзин сириски огранок.
