Merve Gül Aydoğan Ağlarcı
07 Октомври 2022•Ажурирај: 07 Октомври 2022
АНКАРА (АА) - Турскиот претседател Реџеп Таип Ердоган денеска изјави дека турски невооружени воздушни возила и борбени беспилотни летала се наоѓаат во Северен Кипар за да го заштитат од сите страни, јавува Агенција Анадолија (АА).
Реџеп Таип Ердоган зборуваше со новинарите на враќање од Самитот на Европската политичка заедница во Прага.
Запрашан дали постои план за поставување турска воена база на североисточниот полуостров Карпаз во Турската Република Северен Кипар, Ердоган рече дека може да бидат испратени и турски беспилотни летала во регионот.
„Бидејќи ние треба да го обезбедиме Северен Кипар од сите страни, од сите аспекти. Без разлика дали е [базата поставена] или не, нашите авиони ќе бидат во Северен Кипар веднаш штом ќе полетаат од нашето копно“, додаде Ердоган.
- Децениски спор -
Кипар е заглавен во повеќедецениски спор меѓу кипарските Грци и кипарските Турци, и покрај серијата дипломатски напори на Обединетите нации (ОН) за постигнување сеопфатно решение.
Етничките напади, кои започнаа во раните 1960-ти години, ги принудија кипарските Турци да се повлечат во енклави заради нивна безбедност.
Во 1974 година, државниот удар на кипарските Грци, чија цел беше грчка анексија на островот, доведе до воена интервенција на Туркије како земја гарант за заштита на кипарските Турци од прогон и насилство. Како резултат на тоа, во 1983 година беше основана Турската Република Северен Кипар.
Во последните години имаше континуиран мировен процес, вклучувајќи ја и неуспешната иницијатива во 2017 година во Швајцарија под покровителство на земјите гаранти Туркије, Грција и Велика Британија.
Администрацијата на кипарските Грци влезе во Европската Унија (ЕУ) во 2004 година, истата година кога кипарските Грци го спречија планот на Обединетите нации (ОН) за ставање крај на долгогодишниот спор.
