Ердоган во Анкара го пречека ирачкиот премиер Ал Казими

АНКАРА (АА) - Претседателот на Република Турција, Реџеп Таип Ердоган, во Анкара го пречека ирачкиот премиер Мустафа Ал Казими со највисоки државни почести, јавува Агенција Анадолија (AA).

Ердоган го пречека Казими на влезот од Претседателската палата, а потоа беа интонирани химните на двете земји.

По пристигнувањето пред Претседателската палата, Казими ги поздрави војниците во почесната гарда со зборовите „мерхаба аскер“ (поздрав војници).

По заедничкото фотографирање пред Претседателската палата, започна состанокот меѓу Ердоган и Казими, по кој е планирано потпишување на билатерални договори и заедничка прес-конференција.

На свечениот пречек присуствуваа турскиот министер за животна средина и урбанизам Мурат Курум, министерот за надворешни работи Мевлут Чавушоглу, министерот за енергетика и природни ресурси Фатих Донмез, министерот за земјоделство и шумарство Бекир Пакдемирли, шефот на Одделот за комуникации при турското Претседателство, Фахретин Алтун, и портпаролот на Кабинетот на претседателот Ибрахим Калин.