Втор ден продолжува гаснењето на пожарот во фабрика за масло од памук во Турција

АДАНА

Во турскиот град Адана веќе втор ден продолжува гаснењето на пожарот што синоќа беше ставен под контрола, но утрово повторно се распламти, јавува Агенција Анадолија (АА).

Од засега непознати причини вчера во фабрика за масло од памук избувна пожар во магацинот во кој се сместени гранчиња од памук. Противпожарните екипи продолжуваат да се борат со огнот кој не стивнува.

Десет противпожарни екипи на градот Адана учествуваат во гаснењето на пожарот, а гранчињата од памук што не се зафатени од огнот со работни машини се префрлуваат на камиони со кои се транспортираат на побезбеден простор.

Се дознава дека балите со памукови гранчиња се користат во делот на фабриката за производство на струја.