Во изнајмено возило во Истанбул пронајден мртов американскиот новинар Андре Влтчек

ИСТАНБУЛ (АА) - Американскиот новинар Андре Влтчек пронајден е мртов во возило во населбата Караќој во Истанбул, јавува Агенција Анадолија (АА).

Новинарот Андре Влтчек и неговата сопруга Рози Индира Влтчек во утринските часови пристигнале во хотел во Караќој со возило и шофер изнајмени од Самсун.

Неговата сопруга по пристигнувањето пред хотелот забележала дека Влтчек не прави никакви движења, за што ги известила здравствените служби.

Здравствените работници по пристигнувањето на терен утврдиле дека Влтчек починал.

Неговото тело е пренесено во Центарот за форензика, а Обвинителството на Истанбул започна истрага.