ИСТАНБУЛ (АА) - Авион на „Туркиш ерлајнс“ со пропалестински активисти приведени од Израел по нападот врз „Флотила на слободата“ слета во Истанбул, известува Анадолу.

Авионот, кој полета од Јордан на специјална мисија за евакуација на активистите, слета на аеродромот во Истанбул.

Вкупно 94 активисти од Коалицијата „Флотила на слободата“, меѓу кои 18 турски и 76 странски државјани, беа во авионот.

На аеродромот активистите беа пречекани од нивните семејства, службени лица и голем број луѓе.

Израелските поморски сили минатата недела нападнаа и запленија повеќе од 40 бродови кои беа дел од Глобалната флотила за хуманитарна помош „Сумуд“ што се движеше кон Газа и приведоа над 450 активисти кои беа на бродовите. Повеќето од нив оттогаш се депортирани. Многумина раскажаа страшни приказни за малтретирањето од страна на израелски киднапери.