Tурското МНР со реакција по повикот на израелски министер за изградба синагога во џамијата Ал Акса

ИСТАНБУЛ (АА) - Министерството за надворешни работи (МНР) на Туркије соопшти дека изјавата на екстремно десничарскиот министер за национална безбедност на Израел, Итамар Бен Гвир, во врска со изградбата на синагога во џамијата Ал Акса е нов знак за напорите на Израел да го промени статусот и идентитетот на светите места во Ерусалим (Кудс) и статусот и идентитетот на Ерусалим, што претставува исклучително опасен пример, известува Анадолу.

Турското МНР објави писмено соопштение по изјавата на екстремно десничарскиот министер за национална безбедност на Израел Гвир за изградба на синагога во џамијата Ал Акса.

„Изјавите на израелскиот министер за национална безбедност Итамар Бен-Гвир во врска со изградбата на синагога во џамијата Ал Акса е нов и исклучително опасен пример за напорите на Израел да го смени статусот на Ерусалим и идентитетот на светите места во Ерусалим“, се вели во соопштението.

Истакнувајќи дека овие изјави предизвикале бес во исламскиот свет и загриженост кај сите со здрав разум, во соопштението се додаде:

„Провокациите насочени кон џамијата Ал Акса, која е свето место исклучиво за муслиманите, ги навредуваат чувствата на муслиманите низ целиот свет и предизвикуваат тензии“.

Нагласувајќи дека тековните напади на израелската влада против палестинскиот народ секој ден сѐ повеќе ја загрозуваат регионалната и глобалната стабилност, во соопштението на турското МНР се вели:

„Време е меѓународната заедница да преземе акција за да се запре израелската агресија и да се обезбеди заштита на палестинскиот народ“.

- Екстремниот десничар Бен-Гвир рече дека сака да изгради синагога во џамијата Ал Акса

Зборувајќи за израелското армиско радио, Бен-Гвир рече дека сегашната политика им дозволува на Евреите да ги извршуваат верските обреди во џамијата Ал Акса. На прашањето „Дали би изградиле синагога во џамијата Ал Акса?“ Бен-Гвир одговорил „Да“.

Канцеларијата за медиуми на израелскиот премиер објави писмено соопштение по изјавите на Бен-Гвир, тврди дека состојбата статус квото во џамијата Ал Акса не е сменета.

Изјавите на Бен-Гвир и понатаму предизвикаат реакции од многу лидери на држави и меѓународни организации.