„Туркије не е принудена да избира меѓу ЕУ и Шангајската организација за соработка“

ИСТАНБУЛ (АА) - „Туркије не е принудена да избира меѓу Европската унија (ЕУ) и Шангајската организација за соработка, како што тврдат некои“, изјави вчера турскиот претседател Реџеп Таип Ердоган, известува Анадолу.

„Додека ги зајакнуваме нашите односи со Истокот, ќе бараме начини да ја унапредиме нашата длабоко вкоренета соработка со Западот“, рече претседателот Ердоган за време на церемонијата на доделување дипломи и предавањето знаме во Поморската академија на Универзитетот за национална одбрана во Истанбул.

Нагласувајќи дека Туркије до крај ќе ги штити своите права во „Сината татковина“ и нема да дозволи да се прекршуваат правата на кипарските Турци, Ердоган продолжи со зборовите:

„Фактот дека постојат граници меѓу нас и луѓето со кои сме живеевме пред само еден век не значи дека ќе бидеме одвоени од географијата на нашите срца“.

„Планираме да ја пуштиме во употреба нашата подморница ‘Хизир Реис’ веќе во 2025 година, а подморницата „Мурат Реис“ во 2026 година. Нашите преостанати три подморници ќе ги комплетираме до 2029 година“, рече Ердоган во оваа прилика.