Ретка случка во Турција, овца роди девет јагниња во едно јагнење
„Девет јагниња е многу редок случај. Тоа е поврзано со јајчниците на овцата. Евидентирани се најмногу седум јагниња. Во нормални услови овие овци може да родат пет-шест јагниња, но ова е исклучок“
Фото: Sebahatdin Zeyrek/AA
ДЕНИЗЛИ (AA) - Во турската област Денизли овца роди девет јагниња во едно јагнење, јавува Анадолу.
Џемил Доган, кој се занимава со сточарство во Денизли, изрази радост поради тоа што неговата овца родила девет јагниња.
„Обично нашите овци раѓаат по четири-пет јагниња. Еднаш имавме шест, но првпат девет и сите се живи. Бевме многу изненадени. Првично помисливме: ‚Дали некоја друга овца родила и јагнињата се изгубиле?‘, но сфативме дека не е така. Не можевме да поверуваме. Кога почнаа да цицаат, мајката ги прифати сите јагниња. Затоа сме многу среќни“, рече тој.
„Девет јагниња е многу редок случај. Тоа е поврзано со јајчниците на овцата. Евидентирани се најмногу седум јагниња. Во нормални услови овие овци може да родат пет-шест јагниња, но ова е исклучок“, рече ветеринарот Лутфи Емреоглу.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
