„И други земји, како Шпанија, се согласија дека прашањето за Аја Софија е прашање на суверенитетот на Турција“

АНКАРА (АА) - Министерот за надворешни работи на Турција, Мевлут Чавушоглу, во однос на отворањето за богослужба на Големата џамија „Аја Софија“ (Ayasofya-i Kebir Cami-i Şerifi) за богослужба рече дека до денеска и други земји, исто како Шпанија, се имаат сложено дека прашањето за „Аја Софија“ пред сè е прашање на суверенитетот на Турција, јавува Агенција Анадолија (АА).

Чавушоглу по средбата со шпанската министерка за надворешни работи, Аранча Гонзалез Лаја, во турското Министерството за надворешни работи одржаа заедничка прес-конференција.

Истакнувајќи го задоволството од посетата на министерката Лаја на Турција, Чавушоглу истакна дека по епидемијата на Ковид-19, ова е прва посета на Лаја надвор од Европската Унија (ЕУ).

Чавушоглу рече дека Шпанија покажа солидарност со Турција на секоја платформа, дека безусловно ја поддржала Турција во процесот на пристапување кон ЕУ и дека давала пријателски совети.

- „Не е можно да се разбере реакцијата на Грција“ -

Министерот Чавушоглу, во однос на отворањето за богослужба на Големата џамија „Аја Софија“ посочи: „Пред малку и Аранча многу добро рече. До денеска и други земји исто како Шпанија, се согласија дека прашањето за „Аја Софија“ пред сè е прашање на суверенитетот на Турција. Благодарам многу.“

Потсетувајќи дека „Аја Софија“ е на Листата на светско културно наследство на УНЕСКО, Чавушоглу рече дека Турција ги почитува размислувањата и препораките во врска со зачувувањето на оваа одлика. „Исто така и ние сакаме да ги зачуваме овие одлики на Аја Софија и во дијалог сме со УНЕСКО“, додаде Чавушоглу.

Тој рече дека дека Големата џамија „Аја Софија“ ќе биде отворена за посетители надвор од времето за молитви и дека сите луѓе од различни вероисповеди ќе можат да ја посетат.

„Не е можно да се разбере реакцијата на Грција. Знамињата се симнати на половина јарбол... Како да е земен нивен имот. Грција мора да го прифати ова. Истанбул бил освоен во 1453 година и „Аја Софија“ е претворена во џамија во 1462 година. 481 година служела како џамија“, потсети Чавушоглу.

- „Операцијата „Ирини“ дефинитивно е пристрасна“ -

Потсетувајќи на Резолуцијата 2259 на Советот за безбедност на Обединетите нации (СБОН), Чавушоглу рече дека сите земји треба да ја поддржат легитимната Влада на Либија и да ги прекинат сите контакти со другите групи.

Тој наведе дека Резолуцијата ја почитува само Турција а дека другите земји ја играат играта „не видовме, не слушнавме“.

Истакнувајќи дека е многу позитивно тоа што Шпанија го подржува политичкото решение за Либија, Чавушоглу рече дека единственото решение во Либија е самп политичкото решение.

Потенцирајќи дека напорите на Турција ги спречиле судирите во градот Триполи, Чавушоглу рече:

„На Аранча, искрено ѝ велам, можете со добра волја да ја гледате операцијата ‘Ирини‘, но кога ќе ги разгледаме случувањата на теренот таа е апсолутно пристрасна. Значи, го подржува Хафтар, а ја казнува либиската Влада. Ова не го кажувам јас. Тоа го кажува Владата на Либија, единствената официјална влада, и ниту едно нивно барање не е исполнето.“

Инаку, операцијата „Ирини“ е поморска мисија на Европската Унија (ЕУ) во Средоземното Море за поддршка и спроведување на ембаргото на ОН за оружје за Либија.