„Бродот на либискиот брег е донесен поради технички проблеми, не станува збор за приведување турски државјани“

АНКАРА (АА) - Турското Министерство за надворешни работи внимателно ги следи случувањата околу бродот закотвен во Либија, во кој се наоѓаат и тројца турски државјани. Од турското МНР наведуваат дека бродот е донесен до брегот поради технички проблеми и дека не станува збор за приведување на турски државјани, како што е објавено во одредени медиуми, јавува Агенција Анадолија (AA).

Според информации од дипломатски извори, турското МНР е во контакт со Амбасадата на Турција во Триполи и Конзулатот во Мисрата, а се работи за брод што е закотвен покрај брегот поради технички проблеми.

Потврдено е дека бродот, кој е закотвен во пристаништето, ги поминал потребните карго контроли, и негирани се тврдењата во медиумите дека се приведени турски државјани.

Силите на Калифа Хафтар претходно соопштија дека брод со знамето на островската држава Гренада бил повлечен во пристаништето „Рас ал-Хилал“ заради контрола на товарот и другите потребни проверки.

Објавени се снимки на кои може да се види дека бродот е запрен, како и прегледувањето на пасошите на тројца турски државјани. Освен од Турција, на бродот се наоѓаат и државјани на други земји.