спорт

Турската компанија „Кигили“ и Кошаркарската федерација на Северна Македонија потпишаа договор за спонзорство

„Чест ни е што сме со силен тим. Ќе продолжиме да ја развиваме оваа соработка во различни земји, во балканските земји, во европските земји“

Husamedin Gina  | 15.09.2021 - Обновена : 16.09.2021
Турската компанија „Кигили“ и Кошаркарската федерација на Северна Македонија потпишаа договор за спонзорство Фото: Husamedin Gina/AA

СКОПЈЕ (АА) – Кошаркарската федерација на Северна Македонија и турската модна компанија „Кигили“ (KİĞILI) денеска потпишаа 1+1-годишен договор за спонзорство, јавува Агенција Анадолија (АА).

По тој повод во Спортскиот центар „Јане Сандански“ во Скопје, се одржа прес-конференција на која присуствуваа Хилал Суердем, извршниот директор на компанијата „Кигили“, Перо Антиќ, претседателот на Кошаркарската федерација на Северна Македонија, и Тодор Гечевски, директорот на Кошаркарската федерација на Северна Македонија.

Хилал Суердем, извршниот директор на компанијата „Кигили“, на прес-конференцијата заблагодарувајќи му се на Антиќ, претседателот на Кошаркарската федерација на Северна Македонија и легендарен кошаркар на турски Фенербахче, за топлиот пречек, рече дека се почестени со тоа што ќе бидат спонзори на Кошаркарката репрезентација на Северна Македонија.

„Заедно ќе направиме добри работи. Го сакаме спортистот. Ги сакаме љубителите на спортот. Сакаме да ги поддржиме спортските клубови и љубителите на спортот. Отсекогаш сме биле до спортистот. Ќе продолжиме да бидеме и понатаму. Се надевам дека заедно ќе чекориме кон добри дела и шампионати“, нагласи извршниот директор Суердем.

Одговарајќи на прашањето на АА какво значење има денешниот договор за спонзорство за компанијата „Кигили“ за Турција и за кошарката во Северна Македонија, Хилал Суердем рече дека посебно ја избрале Кошаркарската репрезентација на Северна Македонија и дека со нивната поддршка репрезентацијата ќе биде посилна и „позгодна“.

„Чест ни е што сме со силен тим. Ќе продолжиме да ја развиваме оваа соработка во различни земји, во балканските земји, во европските земји“, рече Хилал Суердем, потсетувајќи дека нивната компанија спонзорира и различни фудбалски клубови.

Антиќ, заблагодарувајќи му се на Суердем рече дека се надева дека ќе имаат долгогодишна соработка со компанијата „Кигили“.

„Ќе ја имаме таа чест да придонесеме за оваа компанија која во деновите коишто следуваат во вистинска смисла на зборот ќе се грижи за имиџот не само за Федерацијата, туку и за многу други кошаркарски сегменти“, рече Антиќ.

На прес-конференцијата, Тодор Гечевски, директорот на Кошаркарската федерација на Северна Македонија, од свое име и од името на целата Кошаркарската федерација ѝ се заблагодари на турската модна компанија „Кигили“.

„Ова партнерство ќе ни овозможи како Федерација да направиме подобри услови за сите спортисти, за младите и за развојот“, нагласи Тодор Гечевски, додавајќи дека партнерството ќе овозможи добар развој и на самата компанија „Кигили“, која е позната во цела Европа во спортот.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.