Мохамед Салах постави нов рекорд во англиската Премиер лига по бројот на учество во постигнување погодоци

Мохамед Салах вчера постави нов рекорд во англиската Премиер лига по бројот на инволвираност во погодоци, зголемувајќи го својот вкупен број на голови и асистенции за Ливерпул на 277, известува Анадолу.

33-годишниот играч асистираше за вториот гол на Уго Екитике во победата на Ливерпул од 2-0 над Брајтон, постигнувајќи ја својата 89-та асистенција во Премиер лигата откако им се приклучи на „Црвените“ во 2017 година.

Со оваа асистенција Салах го зголеми својот вкупен придонес во постигнувањето погодоци во Премиер лига за „Црвените“ на 277, од кои 188 погодоци и 89 асистенции.

Ова достигнување го надминува претходниот рекорд на инволвираност во 276 голови поставен од англиската фудбалска легенда Вејн Руни за екипата на Манчестер Јунајтед.

Последната асистенција го искачи Салах на врвот на ранг-листата за инволвираност во најмногу голови во англиската Премиер лига на еден стадион.