Јемен: Најмалку 10 лица загинаа во напад на полициска станица во Аден

АДЕН (АА) - Во јужниот дел на Јемен, во привремениот главен град Аден е извршен бомбашки напад со возило. Во нападот бројот на загинати се искачи на 10 лица, јавува Anadolu Agency (AA).

Канцеларијата на организацијата „Лекари без граници“ во Јемен преку својот профил на социјалните мрежи објави дека во бомбашкиот напад со возило на влезот од полициската станица во Аден загинале 10 лица, а дека 16 се повредени, од кои двајца полесно.

Во соопштението се наведува дека сите повредени се згрижени во болница на „Лекари без граници“.

Јеменските власти сѐ уште не дадоа официјална изјава во врска со настанот.