Шефот на шпанската дипломатија изјави дека ќе побара од ЕУ храброст во воведувањето санкции кон Израел

МАДРИД (АА) - Шпанскиот министер за надворешни работи, Хозе Мануел Албарес, изјави дека ќе побара од своите колеги храброст во воведувањето санкции кон Израел на состанокот на министрите за надворешни работи на Европската Унија (ЕУ) што се одржува во Брисел, известува Анадолу.

Во изјавата за новинарите пред состанокот во Брисел, Албарес рече дека од своите колеги во ЕУ ќе побара итно суспендирање на Договорот за асоцијација меѓу Израел и ЕУ, воведување ембарго за оружје и индивидуални санкции кон одговорните во Израел.

Министерот Албарес тврди дека ЕУ треба да биде храбра во воведувањето санкции кон Израел, кој го продолжува својот геноцид во Газа, истакнувајќи дека во спротивно сè би било неуспех.