Швајцарската претседателка изјави дека во наредните месеци во Женева ќе се организира Конференција за Блискиот Исток

БЕРН (АА) - Швајцарската претседателка Виола Амхерд денес изјави дека во наредните месеци во Женева ќе се организира Конференција за блискоисточниот конфликт, јавува Анадолу.

„ОН ѝ дадоа мандат на Швајцарија да организира конференција во Женева со високи претставници на ОН во врска со конфликтот на Блискиот Исток. Оваа конференција ќе биде организирана во наредните месеци“, рече Амхерд одговарајќи на прашањето на Анадолу.

Таа ги даде овие изјави за време на брифингот со новинарите одржан во Берн за претставниците на странскиот печат.

„Датумот сè уште не е одреден, но тоа ќе се случи во наредните месеци. (Ќе биде) како Бургенсток“, рече таа, мислејќи на мировниот самит за Украина што беше организиран претходно оваа година.

За тоа дали ќе има самит на високо ниво како оној за Украина, таа рече:

„Засега тоа не е планирано, но не е исклучено.“