Хусите потврдија дека во американските напади врз Јемен се повредени седум жени и две деца

САНА (АА) - Седум жени и две деца се повредени во воздушните напади на Соединетите Американски Држави (САД) во текот на ноќта врз неколку јеменски провинции, вклучително и главниот град Сана, јавува Анадолу.

Во воздушните напади погодени се Сана, Саада (на север), областа Ал-Хазм во провинцијата Ал-Џауф (на североисток) и областа Ас Савадија во провинцијата Ал-Бајда (Централен Јемен), според телевизијата Ал-Масира, поврзана со Хусите.

Се наведува дека во нападите врз подрачјето на Ал-Тавра во Сана има повредени и бил предизвикан пожар во сала за настани, при што се оштетени неколку околни домови.

Воздушните напади врз подрачјето на Ал-Хазм беа насочени кон добитокот, при што е загинат поголем број, според телевизијата.

Во саботата американскиот претседател Доналд Трамп рече дека наредил „голем напад“ на Хусите во Јемен.

Оттогаш до вторникот навечер Анадолу регистрираше десетици американски воздушни напади врз Јемен, во кои загинаа 53 лица и 107 се повредени, меѓу кои и жени и деца, според извештаите на Хусите.

Ова се први воздушни напади врз Јемен откако на 19 јануари 2025 година стапи на сила примирјето меѓу Израел и Хамас во Газа.

Движењето на Хусите со проектили и беспилотни летала ги напаѓа бродовите поврзани со Израел што минуваат низ Црвеното и Арапското Море, теснецот Баб ал-Мандаб и Аденскиот Залив од крајот на 2023 година, нарушувајќи ја глобалната трговија поради, како што порачаа, знак на солидарност со Појасот Газа.

Хусите ги прекинаа своите напади кога беше прогласен прекин на огнот во јануари меѓу Израел и палестинската група Хамас, но се заканија дека ќе продолжат со нападите кога Израел ја блокираше целата хуманитарна помош за Газа на 2 март.