Хуманитарниот конвој на ОН влезе во Сирија

ХАТАЈ (АА) - Конвој со хуманитарна помош на ОН од 11 камиони, наменет за градот Идлиб и околината, влезе на територијата на Сирија, јавува Anadolu Agency (AA).

Конвој од 11 камиони мина низ граничниот премин Чилвеѓозу, во местото Рејханли, во близина на градот Хатај. Камионите преминаа на сириска територија во придружба на жандармеријата и возила на официјални лица на ОН.

Хуманитарната помош на ОН во наредните денови ќе биде поделена на населението во Идлиб и неговата околина.