ПАРИЗ (АА) - Студентите на Институтот за политички студии во Париз, односно престижното училиште „Sciences Po“, денес организираат протест барајќи прекин на израелските напади во Палестина, пренесува Анадолу.

Демонстрантите се собраа во дворот на кампусот и поставија камп за поддршка на Палестина.

Пропалестинските студенти се собраа на подрачјето на кампусот и протестираа против нападите врз Појасот Газа и изразија пораки за солидарност со Палестина.

Француските полициски сили интервенираа против демонстрантите за време на протестот.

Израел, обвинет за геноцид, започна офанзива во Појасот Газа по прекуграничниот напад на палестинската група Хамас на 7 октомври во кој загинаа околу 1.200 луѓе.

Бројот на загинати Палестинци во нападите на израелската војска врз Појасот Газа од 7 октомври 2023 година се искачи на 34.262.

Војната во Израел принуди 85 отсто од населението на Појасот Газа на внатрешно раселување, предизвика акутен недостиг на храна, чиста вода и лекови, додека 60 отсто од инфраструктурата на енклавата се оштетени или уништени, според Обединетите нации.

Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки хуманитарната помош да стигне до цивилите во Газа.