Фатени 45 нерегуларни мигранти на чешката граница со Словачка

ПРАГА (АА)

На границата на Чешка со Словачка се фатени 45 нерегуларни мигранти, а едно лице е приведено поради криумчарење луѓе, јавува Анадолу.

Ондреј Моравчик, портпарол на Генералниот директорат за безбедност, изјави дека на границата со Словачка биле фатени 45 нерегуларни мигранти кои имале намера да заминат во различни европски земји преку Чешка.

Моравчик истакна дека е приведено и лице кое илегално донесувало мигранти во земјава.

Министерството за внатрешни работи соопшти дека од обновувањето на контролите на границата со Словачка, се фатени 69 нерегуларни мигранти, а приведени се четворица шверцери на луѓе.

Чешката Република ги продолжи граничните проверки со Словачка на 4 октомври, по пауза од околу шест месеци.