Успешната приказна на малите и средни претпријатија во Турција привлекува внимание кај земјите во развој

КАЗАН (АА)

- ФИРДЕВС ЈУКСЕЛ

Претседателот на Администрацијата за развој и поддршка на мали и средни претпријатија (KOSGEB), Хасан Басри Курт, истакна дека малите и средните претпријатија, кои земаат замав во последните 20 години во Турција, го привлекуваат вниманието во светот, особено земјите во развој се љубопитни за оваа приказна за Турција.

Курт, во рамките на 13. Меѓународен економски самит „Русија - Исламски свет: Самит во Казан 2022“, чиј глобален комуникациски партнер е Агенција Анадолија (AA), се осврна на потпишаниот договор со Фондот за развој на претприемништвото на Татарстан, поврзан со Министерството на економија на Татарстан, поддршката за халал-сертификација во Турција и искуството за поддршка на малите и средните претпријатија.

Истакнувајќи дека на Самитот потпишале нов акциски план во рамките на Меморандумот за разбирање што го потпишале со Фондот за развој на претприемништвото на Татарстан, Курт рече: „Во рамките на овој акционен план ќе спроведеме програми за меѓусебна размена и многу различни студии за поддршка на малите и средните претпријатија со Татарстан. Двете институции ќе работат заедно за развој на малите и средните претпријатија во Турција и во Татарстан.“

‒ Поддршката за добивање на сертификација на халал-производите ќе продолжи

Осврнувајќи се на поддршката на КОСГЕБ за халал-сертификација, Курт рече: „Ние го поддржувавме добивањето за сертификација за халал во Турција. Досега нашите мали и средни претпријатија кои сакаа сертификација од Агенцијата за акредитација „Халал“ (HAK), ги поддржувавме со 2.500 лири (околу 150 долари). Сега поддршката ја зголемивме 10.000 лири (610 долари).“

Курт обрна внимание на зголемениот интерес за халал-индустријата, и рече: „Индустријата за халал е тренд во светот, особено во муслиманските земји. Во Турција во овој поглед се преземаат многу напредни чекори. КОСГЕБ ќе даде сѐ од себе за нашите производствени претпријатија да земат акредитација за халал. Во оваа смисла, ние во моментов нудиме 10.000 лири (610 долари) поддршка за сертификација на нашите мали и средни претпријатија.“

‒ КОСГЕБ е подготвена да сподели искуство со Русија и земјите од Организацијата за исламска соработка

Осврнувајќи се на важноста од размена на искуства меѓу Русија и земјите членки на Организацијата за исламска соработка (ОИС) во однос на малите и средните претпријатија, Курт додаде:

„Во рамките на ОИС, на дневен ред доаѓаат многу различни прашања, но едно од најважните, според нас, е развојот на малите и средните претпријатија во овие земји. Овие претпријатија придонесуваат за вработување, економски развој и социјална стабилност на земјите. Има успешна приказна во Турција. Малите и средните претпријатија во Турција имаат сериозен замав во последните 20 години. Извозот на Турција се зголемува постојано. Малите и средните претпријатија добиваат многу силен удел од ова производство и извоз. Тие даваат многу сериозен придонес во економијата на земјата, и исто така, придонесуваат за вработување. Голем број земји, особено земјите во развој, се љубопитни за приказната на Турција.“

Меѓу другото, Курт подвлече дека како КОСГЕБ се подготвени да ја пренесат работата на Турција на ова поле и дека се подготвени да споделат искуство со Русија и земјите од Организацијата за исламска соработка.