УНРВА: Газа се бори со катастрофален глад поради израелските напади

ИСТАНБУЛ (АА) - Појасот Газа се бори со катастрофален глад поради тековните израелски напади, соопшти палестинската агенција на ОН за бегалци, пренесува Анадолу.

„Секој ден е борба за преживување, наоѓање храна и вода“, рече Томас Вајт, директор на Агенцијата за помош и работа на Обединетите нации за палестинските бегалци (УНРВА) во Газа.

Вајт предупреди дека 40 отсто од населението сега се во опасност од глад.

„Реалноста е дека ни треба повеќе помош. Единствена преостаната надеж е хуманитарен прекин на огнот“, додаде тој.

Израел започна немилосрдни воздушни и копнени напади врз Појасот Газа како одмазда за прекуграничниот напад на палестинската група Хамас на 7 октомври.

Оттогаш најмалку 21.110 Палестинци се убиени, а 55.243 други се повредени, според локалните здравствени власти, а, според официјалните бројки, речиси 1.200 лица загинаа во Израел.

Израелскиот напад ја остави Газа во урнатини, при што 60 отсто од инфраструктурата на енклавата е оштетена или уништена, а речиси два милиона луѓе се раселени поради сериозен недостиг на храна, чиста вода и лекови.