Украинските и европските лидери подготвени за прекин на огнот од најмалку 30 дена

КИЕВ (АА) - Украинскиот претседател Владимир Зеленски и лидерите на Франција, Германија, Англија и Полска се подготвени за прекин на огнот во траење од најмалку 30 дена, известува Анадолу.

Украинскиот министер за надворешни работи Андриј Сибиха на својот на платформата Телеграм објави дека украинскиот претседател Зеленски, францускиот претседател Емануел Макрон, германскиот канцелар Фридрих Мерц, полскиот премиер Доналд Туск и британскиот премиер Кир Стармер се состанале во главниот град Киев.

Истакнувајќи дека Зеленски и европските лидери имале заеднички телефонски разговор со американскиот претседател Доналд Трамп по состанокот, Сибиха истакна дека за време на состанокот биле разгледани условите за воспоставување мир во Украина.

„Украина и сите сојузници се подготвени за целосен и безусловно прекин на огнот на копно, воздух и море најмалку 30 дена, почнувајќи од понеделник“, наведе Сибиха во објавата.