Украина: 17 лица се повредени во руски напад во Криви Рог во текот на ноќта

КИЕВ (АА) - Најмалку 17 лица се повредени во синоќешниот руски напад на украинскиот град Криви Рог, објавија денес локалните власти, известува Анадолу.

„Според ажурираните податоци, 17 лица се повредени во Криви Рог во руските напади. Осум од нив се во болница“, објави гувернерот на Днепропетровск, Серхиј Лисак на социјалната мрежа Телеграма.

Лисак рече дека се оштетени хотел, продавница, административна зграда, образовна институција и седум станбени згради.

Министерството за внатрешни работи на Украина во посебно соопштение наведе дека еден од повредените е спасител, додавајќи дека нападот предизвикал пожар, кој веднаш бил изгаснат.

Локалните власти во Киев пријавија напади и врз градот во текот на ноќта, при што Сергеј Попко, шеф на градската воена управа на Киев, тврди дека десетина руски беспилотни летала биле пресретнати или на приодот кон или над главниот град.