Турските и руските сили ја спроведоа 12. заедничка патрола во Сирија

АНКАРА

Министерството за внатрешни работи на Турција соопшти дека турските и руските сили ја спровеле дванаесеттата заедничка патрола во северозападна Сирија, јавува Агенција Анадолија (АА).

Во соопштението на Министерството се наведува дека во рамките на договорот за спроведување заеднички контролни патроли помеѓу Турција и Русија, турските и руските сили ја извршиле дванаесеттата копнена патрола на Автопатот М4 во Идлиб со учество на копнените и воздухопловните елементи.

Автопатот М4, исто така познат како патен правец Алепо - Ал Хасека, се наоѓа на 30 километри од јужната граница на Турција.

Единаесеттата заедничка патрола беше спроведена во четвртокот минатата недела.

Турција и Русија се согласија на протоколот со кој ги повикуваат сите страни во Идлиб за прекин на огнот, a турските и рускитe сили, како гаранти на примирјето, заеднички спроведуваат контролни патроли по должината на линиите за раздвојување, или по Автопатот М4. Заедничките патроли започнаа на 6 март.