ИСТАНБУЛ (АА) - Турскиот министер за национална одбрана, Јашар Ѓулер, денес, на маргините на Самитот на НАТО во главниот град на Литванија, Вилнус, оствари средби со италијанскиот, грчкиот и естонскиот колега, јавува Анадолу.
Ѓулер прво имаше средби со Гвидо Кросето, шефот на италијанската одбрана, а потоа со Хано Певкур, министерот за одбрана на Естонија, соопшти турското Министерство за национална одбрана.
Тој потоа се сретна и со грчкиот министер за одбрана, Никос Дендиас.
На средбата нагласена е важноста од одржување позитивна агенда во турско-грчките односи и одржување отворени канали за дијалог, соопшти Министерството.
Потврден е и договор за продолжување на состаноците за мерките за градење доверба меѓу земјите.
Во текот на вчерашниот ден Ѓулер присуствуваше и на средбата меѓу турскиот претседател Реџеп Таип Ердоган и американскиот претседател Џо Бајден.
