Туркије: Во тек се разговори за продолжување на договорот за транспорт на жито по Црното Море

АНКАРА (АА) - Туркије денес информираше дека во тек се разговори за продолжување на договорот за транспорт на жито по Црното Море, кој што истекува во сабота, јавува Анадолу.

Турскиот министер за национална одбрана, Хулуси Акар, и релевантните власти продолжуваат да преговараат и да се координираат за продолжување на активностите од договорот за жито и за негово продолжување во согласност со договорот, при што ќе се земат предвид барањата на страните, соопшти Министерството за национална одбрана.

„Во овие разговори, страните се потсетуваат на важноста од продолжување на оваа иницијатива, која има позитивно влијание врз човештвото во светот и докажува дека сите кризи можат да се решат со добра волја и дијалог“, се вели во текстот.

„Црноморскиот договор за жито дозволи извоз на 24 милиони тони жито“, се наведува во соопштението, додавајќи дека Туркије ќе продолжи да го прави својот дел во обезбедувањето мир во регионот и хуманитарна помош.

Исто така, се вели дека „се ценат чекорите преземени од страните за проширување на иницијативата“.

Соопштението е објавено откако Русија рече дека го поддржува 60-дневното продолжување на историскиот договор што го потпишаа Туркије, ОН, Русија и Украина во јули минатата година во Истанбул за да се обнови извозот на жито од трите украински пристаништа на Црното Море, што беше прекинато по Руско-украинската војна што започна во февруари 2022 година.

Сепак, Украина рече дека ставот на Русија да го продолжи договорот „само за 60 дена е во спротивност со документот“.

Договорот беше продолжен за 120 дена во ноември 2022 година.