Три лица загинаа при пад на авион за обука во рускиот регион Оренбург

МОСКВА (АА) - Три лица загинаа при пад на авион за обука во рускиот регион Оренбург, соопшти Министерството за итни ситуации, јавува Анадолу.

Авионот „Дајмонд ДА“, управуван од Државниот универзитет за цивилно воздухопловство во Санкт Петербург, изведувал тренинг-лет во близина на градот Орск, кога се урнал со инструктор и двајца кадети во него, од кои сите загинале, се вели во соопштението на Министерството.

„Авион за обука се урна во регионот Оребург. Несреќата е пријавена во селото Џанаталап, Орск. Авионот бил на тренинг-лет. Кога спасувачите од руското Министерство за вонредни ситуации пристигнале на местото на настанот, немало пожар. За жал, три лица загинале“, се вели во соопштението.

Регионалните власти ќе им обезбедат помош на семејствата на жртвите, соопшти прес-службата на гувернерот на Оренбург и регионалната влада.

Операциите за спасување продолжуваат на местото на несреќата, а официјални лица изјавија дека немало пожар.

Министерството не даде првични информации за можната причина за несреќата.