Ekipa
27 Јули 2022•Ажурирај: 28 Јули 2022
ВАШИНГТОН (АА) - Доналд Трамп ја поддржа својата работа што ја заврши како шеф на државата и го критикуваше сегашниот претседател Џо Бајден и демократските пратеници за време на говорот на Самитот на првата агенда на Америка во Вашингтон, јавува Агенција Анадолија (АА).
„Нашата земја сега е место на криминал“, рече тој, обвинувајќи ги Демократите за оставање на граѓаните во ужасна состојба, особено кога станува збор за јавната безбедност.
„Имаме крв, смрт и страдање од размери кои некогаш беа незамисливи, поради напорите на Демократската партија да го уништи и разбие спроведувањето на законот.“
Цитирајќи дека стапката на убиства во САД е зголемена за 51 процент и велејќи дека Америка „е ставена на колена“ поради криминалот, Трамп вниманието го сврти кон тоа да ѝ се даде моќ на полицијата за да ја направи Америка побезбедна.
„Ние мораме да ја оставиме нашата полиција намира“, рече тој, нагласувајќи ја неговата желба да ги врати политиките „стопирање и претрес“. „Луѓето кои мораат да имаат пиштоли, кои имаат потреба од пиштоли, оставете ги да ги имаат, одземете им ги пиштолите на криминалците кои не би требало да имаат пиштоли.“
„На секој агол треба да има полиција, ако тоа е потребно за да се запре убивањето“, нагласи Трамп, повикувајќи на повеќе вработувања на органите за спроведување на законот. „Нашата земја оди во пеколот и оди многу брзо. Ова е многу небезбедно место.“
Поранешниот претседател ја истакна важноста од среднорочните конгресни избори во ноември, велејќи дека Републиканците можат уште еднаш да ја преземат контролата на Претставничкиот дом и Сенатот со агенда фокусирана на борба против криминалот, зајакнување на граничната контрола и имиграциските политики, справување со рекордно високата инфлација и намалување на цените на нафтата.
Иако сѐ уште официјално не изразил подготвеност да се справи со претседателската трка, Трамп рече дека е уверен дека Републиканец ќе се врати во Белата куќа во 2024 година.
„Јас се кандидирав првиот пат и победив. Се кандидирав вторпат и поминав уште подобро. Имавме уште милиони и милиони повеќе гласови“, рече тој. „Можеби повторно треба да го направиме тоа.“
Трамп го критикуваше Комитетот кој ја истражуваше неговата улога во немирите во Капитол, нарекувајќи го комитет со злобни луѓе кои само се обидуваат да му наштетат.
„Тие сакаат да ви наштетат во секаква форма“, рече тој. „Но тие навистина сакаат да ми наштетат мене за јас повеќе да не можам да се вратам да работам за вас. И јас мислам дека тоа нема да се случи.“
Трамп го заврши својот говор со повеќе потенцијални најавувања во својата реторика.
„Приказната на Америка е далеку од завршена“, продолжи тој. „Ние само се подготвуваме за неверојатно враќање назад.“
„Ќе ја направиме Америка посилна, побезбедна, послободна, поголема од кога било досега.“
