Тешка сообраќајна несреќа во Нигерија: Загинаа 19 лица

АБУЏА

Во сообраќајната несреќа што се случи во западноафриканската држава Нигерија животот го загубија 19 лица, јавува Anadolu Agency (AA).

Феми Џозеф, портпаролот на сојузната држава Ондо, соопшти дека на автопатот на релацијата Ондо - Абуџа дошло до тешка сообраќајна несреќа во која се судриле автобус и камион, по што избувнал пожар.

Џозеф информираше дека во пожарот животот го загубиле 19 лица и дека има и голем број повредени.

Тој рече дека повредените се префрлени во локалните болници, но дека дел од нив се во тешка здравствена состојба, поради што постои загриженост од зголемување на бројот на загинати.