Терористички напад во сириски Ал Баб: Загинаа 5 цивили, 18 повредени
- Бомбата што е детонирана била поставена во возило во центарот на областа Ал Баб, која е исчистена од терористите со турската операција „Штитот на Еуфрат“
Фото: Hişam el Homsi/AA
АЛ БАБ
Пет цивили ги загубија животите, додека 18 цивили се повредени при експлозија на автомобил бомба во областа Ал Баб во северна Сирија, јавува Агенција Анадолија (АА).
Бомбата што е детонирана била поставена во возило во центарот на областа Ал Баб, која е исчистена од терористите со турската операција „Штитот на Еуфрат“.
Според првите проценки, во терористичкиот бомбашки напад 5 цивили го загубиле животот, а 18 се повредени.
Пожарникарите што пристигнале на местото на настанот интервенираат за да се изгасне пожарот, а ранетите лица се пренесени во болниците во Ал Баб.
Постои загриженост од зголемување на бројот на жртвите.
По експлозијата, настаната е голема материјална штета, а голем број возила не се во употреблива состојба.
Локалните безбедносни сили, кои спроведуваат истрага на местото на настанот, ја потенцираат можноста нападот да го извршила терористичката организација ЈПГ/ПКК.
Терористичката организација ЈПГ/ПКК, која под окупација ги држи регионите Тел Рифат и Мунбич, често организира терористички напади во регионите Ал Баб, Азаз, Џарабулус и Африн.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.
