Стотици луѓе маршираа во Њујорк барајќи реформи во имиграцискиот систем и крај на депортациите

ЊУЈОРК (АА) - Стотици луѓе маршираа низ улиците на Њујорк барајќи итни реформи во имиграцискиот систем и крај на депортациите спроведени од американската Управа за имиграција и царинска контрола (ИЦЕ), јавува Анадолу.

На демонстрациите имаше силно полициско присуство, а њујоршката полиција уапси неколку демонстранти додека маршираа низ улиците во знак на протест против ИЦЕ.

Демонстрациите се одржуваат во знак на поддршка за милиони имигранти во САД што се соочуваат со неизвесност поради строгите имиграциски политики.

Првиот ден на функцијата, 20 јануари, Трамп потпиша извршни наредби за протерување на голем број имигранти, вклучително и мерки за прекинување на давањето државјанство според право на раѓање.

Наредните недели Управата за имиграција и царина на САД (ИЦЕ) ги интензивираше своите секојдневни рации.

ИЦЕ е федерална агенција за спроведување на законот под Министерството за внатрешна безбедност на САД.

Нејзина официјална мисија е да ја заштити земјата од прекуграничен криминал и илегална имиграција.