Стотици граѓани во Стокхолм протестираа против израелските напади врз Газа, Либан и Иран

СТОКХОЛМ (АА) - Стотици демонстранти во Стокхолм, главниот град на Шведска, протестираа против израелските напади врз Газа, Либан и Иран, известува Анадолу.

Граѓаните се собраа во квартот Оденплан, а потоа мирно прошетаа до шведскиот парламент.

Демонстрантите носеа кукли кои ги претставуваат децата убиени во Газа и извикуваа пароли „Слободна Палестина“ и „Стоп за геноцидот“ и упатија апел за итен прекин на огнот во Газа и Либан.

Насобраните граѓани најостро ги осудија и Шведска и Соединетите Американски Држави (САД) за поддршката на израелските напади.

Шведската активистка Софија Јохансон, која ги поддржа демонстрациите, за Анадолу изјави дека ќе продолжи да протестира сѐ додека Газа не биде ослободена.

„Сакам да им порачам на сите кои не учествуваат во протестите дека не се работи само за Палестина, бидејќи ционистичкиот режим сака да ја прошири својата територија и да ги вклучи САД и Европската унија (ЕУ) во војна против Иран. Знаеме што прават и лидерите на арапскиот свет и ЕУ. Никогаш нема да заборавиме што се прави таму и затоа треба да им се суди во Хаг“, рече таа.