Седум Палестинци, меѓу кои има и деца, се убиени во израелски напад врз училиште во Газа

ГАЗА (АА) - Најмалку седум Палестинци, меѓу кои има деца и жени, се убиени денес во израелски воздушен напад врз училиште управувано од Агенцијата на ОН за палестински бегалци (УНРВА) во западниот дел на Газа, во кое престојуваа раселените семејства, известува Анадолу.

Палестинските медицински лица за Анадолу информираа дека седум Палестинци се убиени, а голем број се ранети, во израелскиот воздушен напад врз училиште.

Очевидците изјавија дека цел на воздушниот напад било училиштето Асма во бегалскиот камп Шати, во кое во моментов се сместени илјадници раселени Палестинци.

Училиштето се користело како засолниште за семејствата кои избегале од континуираното израелско бомбардирање во северна Газа.

Израел уби повеќе од 42.500 Палестинци во Појасот Газа од 7 октомври минатата година. Во израелските бомбардирања оваа недела убиен е и лидерот на Хамас, Јахја Синвар.