Седум лица загинаа во руски ракетен напад врз Вилњанск во Украина

ВИЛЊАНСК (АА) - Украинските власти соопштија дека вчера во руски ракетен напад врз Вилњанск во Украина загинале седум цивили, меѓу кои три деца, а повредени се повеќе од 30 лица, од кои осум деца, известува Анадолу.

Нападот бил изведен во 17:40 часот по локално време кога руски проектили го погодиле центарот на градот, предизвикувајќи пожар кој пожарникарите го гаснеле неколку часа.

Бомбардирањето предизвика значителна штета на станбени згради, продавници, аптека, клучната инфраструктура и возила во центарот на градот.

Меѓу жртвите има и луѓе кои биле на улица во моментот на нападот.

Седуммина од повредените се хоспитализирани. Четири возрасни и едно дете се наоѓаат во критична состојба.