САД: Четворица повредени во вооружен напад во Мериленд

БАЛТИМОР (АА) - Најмалку четири лица се повредени во вооружен напад во кампусот на Универзитетот „Морган“ во Мериленд, Соединетите Американски Држави (САД), јавува Анадолу.

Полициската управа во Балтимор го потврди пукањето во кампусот и ги предупреди студентите и вработените да се држат настрана од местото на настанот.

Во соопштението објавено неколку часа по инцидентот, полицијата наведува дека во нападот се повредени четири лица и дека нивните животи не се во опасност.

За инцидентот на својот профил на социјалните мрежи зборуваше и членот на Градскиот совет, Рајан Дорси, кој рече дека бил информиран дека нападот го извршиле три лица.

Сѐ уште нема информации за мотивите за нападот, ниту дали напаѓачите се приведени.