САД распоредија борбени авиони од петтата генерација F-35 во Естонија

ВАШИНГТОН (АА) - Американското воено воздухопловство соопшти дека САД распоредиле борбени авиони од петтата генерација F-35 во Естонија, јавува Anadolu Agency (AA).

Се наведува дека американските борбени авиони се позиционирани во рамките на распоредувањето на трупите по руската анексија на Крим.

Во соопштението се наведува дека двата авиона F-35 со екипажот се упатиле од воздушната база Лејкенхит, кон базата Амари во Естонија.

„Нивното распоредување е планирано претходно и не е поврзано со актуелните случувања. Се спроведува во рамките на соработката со сојузниците во Естонија“, се наведува во соопштението.

Авионите ќе бидат распоредени во подрачјето на Естонија што граничи со Русија.

Американските власти соопштија дека авиони од типот F-35 ќе бидат распоредени и во Романија.